全面眼科視光檢查 - 係 iCare Eyecare 護眼.家嘅初心!

好多⼈不了解全面眼科視光檢查是甚麼⼀回事, 以及有甚麼重要性, ⼤多以為視⼒模糊的話只需要去眼鏡店做簡單嘅屈光檢查(Refraction test) , 俗語稱「驗光」/「驗眼」, 配⼀副眼鏡, 睇得清楚就可以。無可否認, 驗光準確, 幫你配到一副清晰舒適嘅眼鏡確實係大家對視光師嘅首要期望。但係對於接受過專門視光學院訓練, 例如香港理工大學眼科視光院畢業嘅視光師, 驗光配眼鏡其實係基本功。能夠教育公眾保養眼睛, 運用專業知識保護大家眼睛健康, 才是現今視光師的真正職能!

畢竟眼睛作為你我認知這世界嘅主要器官, 處理80%以上我們從外接收嘅資訊, 而你我都只有一對以現時技術絕不可更換嘅眼睛 (Dr. Marco 曾經係再生醫學研究學者, 呢方面有少少心得!), 真係唔值得我們好好保護嗎？

如同⾝體及牙科健康檢查⼀樣, 每年嘅全面基礎眼科視光檢查係保護我們眼睛健康, 防未病嘅第⼀道防線。透過詳細嘅問診同各種仔細視光檢查, 包括傳統嘅屈光、⾊覺測試、雙眼協調功能、生物顯微鏡和眼底鏡檢查, 以及先進科技配合嘅動態及運動視能分析、眼睛結構健康檢查如光學眼球解剖生物測量 (Ocular Biometry) 、黃斑點/視神經結構光學斷層掃描(OCT)等, 眼科視光師可以判斷到應診者嘅眼睛是否有結構或功能性障礙。繼⽽決定應否藉由合適嘅眼鏡處⽅或視覺訓練去改善狀況；⼜或是需要轉介到專科或眼科醫⽣作更深入嘅檢查及醫藥治療。

⼀般來說, 全面基礎眼科視光檢查並無年齡限制, 但因應應診者嘅年齡, 檢查嘅重點或會稍稍不同。

嬰幼兒嘅檢查會較著眼於先天性嘅視覺及發育阻礙如雙眼⾼度屈光差異Anisometropia, 俗語稱「鴛鴦眼」), 先天斜視狀況, 亦會特別注意罕⾒但絕不能掉以輕⼼嘅嚴重眼疾如視網膜⺟細胞瘤(Retinoblastoma), 年紀大一點嘅學童就較著眼於健康及學習相關嘅⾊弱狀況, 雙眼協調功能, 動態及運動視能障礙(Dynamic Vision Dysfunction), 以及爸媽都十分關注嘅學童近視狀況和可以鞏固眼睛長遠健康嘅有效循證(Evidence-based)近視管理, 及早處理狀況就可以幫助兒童健康成⻑。

而成⼈至⻑者嘅檢查會較注重於判別應診者嘅視覺機能變化是不能避免嘅正常衰退例如老花, 還是可能源於較嚴重嘅常見眼疾如⽩內障、青光眼、老年黃斑病變, 又或是⾝體疾病引致嘅糖尿病上眼、眼睛中風等。透過詳細嘅眼科視光檢查, Dr. Marco曾經幫助過病人發現突發性斜視原來源自腦腫瘤, 中心漿液性脈絡膜視網膜病變 (Central Serous Chorioretinopathy), 簡稱「中漿病」) 可能同病人本身患有幽門螺旋菌感染引致嘅慢性胃炎相關等, 從而讓應診者更早注意自己的身體狀況, 病向淺中醫, 默默守護大家嘅健康。

Dr. Marco 創辦iCare Eyecare 護眼.家 嘅初心就係: 以我們的專業護眼服務, 保養您眼睛, 提昇您視能, 守護您健康！所以下次你嚟iCare Eyecare 護眼.家做全面基礎眼科視光檢查, 就唔好嫌檢查時間太長喇, 因為為咗你一對寶貴嘅眼睛甚至身體健康, 係絕對值得一年付出一個鐘頭做詳細檢查㗎!!