什麼是動態及運動視能?

眼睛作為我哋接收外界訊息嘅最重要器官, 擁有正常清晰嘅靜態視力(20/20 視敏度 Visual Acuity, 即係一般眼鏡店驗光, 你坐定定喺張驗眼櫈, 跟住視光師問你睇唔睇到遠處視力表上面都幾細嗰一行白底黑字) 只係基本眼睛功能。

面對瞬息萬變嘅世界, 雙眼協調, 動態及運動視覺能力其實對我們更加重要, 例如喺意外發生嘅時候, 擁有良好嘅動態及運動視能, 會令你更加迅速反應行動, 分分鐘可以救你一命!

美國有研究指出: 每4個小朋友就有1個有不同類型程度巳嘅動態視能障礙 (Dynamic Vision Dysfunction) 時常被誤診為: 不專心, 疲累, 讀寫障礙 (Dyslexia), 甚至係專注力不足/過度活躍症 (ADHD), 大大影響佢哋嘅學習及運動能力。

動態及運動視能包括:

1. 瞬間變焦能力

2. 兩眼協調同步功能

3. 追蹤移動景物準繩度及速度

4. 暗黑環境視敏度

5. 眼睛接收整體視覺訊息同腦部處理能力

透過感知運動眼球追蹤分析系統, 就可以科學及量化分析運動及動態視能嘅狀態同不足之處, 再制定特定訓練策略去提昇動態視能, 特別係競爭激烈嘅競賽項目, 或者動態視能嘅些微差異, 就轉化成勝負嘅關鍵。